Гран-при на „Еврофест“ за песната на Мери Младеновска „It’s only my mind“

На неодамна одржаниот интернационален фестивал "Еврофест", што годинава беше организиран со посебни протоколи соодветни на препораките за заштита од Ковид-19, престижната награда гран-при ѝ беше доделена на Мери Младеновска за песната „It's only my mind".

Музиката и аранжманот се на Јане Дунимаглоски, додека текстот е на Младеновска.

Како надоврзување на ова, песната „Лоша навика" исто така во изведба на Мери Младеновска, доби награда за најслушана песна.

„Фестивалот се одржа според сите протоколи и запазени мерки за заштита, а беше поделен во два дела. Во првиот дел се натреваруваа девет песни, додека во вториот дел учествуваа седум победниици на македонски фестивали. За наградите одлучуваше жирито во состав: Костадин Костадиновски, организатор и претседател на фестивалот, Симе Младеновски, извршен продуцент на „Лица и дела", Горан Милошовски и Андреј Десковски. Организаторот се потруди се да биде на највисоко ниво и оваа година", изјави Симе Младеновски за годинешново издание.

Во меѓувреме, Мери Младеновска продолжува како автор и водител на емисијата „Лица и дела“ што се емитува на ТВ Сонце.