Мебел обложен со кадифе – актуелен хит во уредувањето на ентериерот

Раскошна ткаенина која рефлектира гламур и луксуз – кадифе.

Актуелен тренд во модниот свет, но и во ентериерното уредување.

Всушност кадифе важи за класика во уредувањето на ентериерот, а новите тенденци само дополнително го освежуваат и го враќаат на пиедесталот одново и одново.

Кога сакаме да постигнеме ефект на луксуз и отмен амбиент, мебел обложен со кадифе е секогаш вистинска опција.

Дизајнерите на ентериер советуваат: не комбинирајте кадифе со кадифе затоа што ваквата комбинација изгледа застарено.

Наместо тоа, размислете за микс од кадифе како полуксузна ткаенина со лен како поедноставен и „полесен" материјал со што би се постигнал посакуваниот баланс.

Во дневниот престој на пример доволно е само фотелјата или двоседот да бидат тапацирани во кадифе – во овој случај веќе сте го постигнале ефектот.

Или пак во спалната соба, направете сет од кадифени перници, така ќе постигнете полуксузен, а сепак ненападен амбиент.

Исто така контраст може да постигнете со микс на пастелни и загасити тонови, што во просторот ќе донесе дополнителна вибрантност.

За дополнителна инспирација како да имплементирате кадифе во вашиот секојдневен простор, погледнете ги фотографиите во продолжение.

Фото: Пинтерест