Три најдобри фризури за тенка коса

Убавина
•
15 август 2023

Тенката коса знае да биде проблем кога сакаме да ја направиме посакуваната фризура. За овој тип на коса секое влакно треба да биде на свое место, особено ако истата не е густа.

Целта на дамите со ваква коса е да постигнат екстра волумен и текстура за да изгледа што побујно.

Токму затоа во продолжение предложуваме три фризури со коишто ќе го решите проблемот со тенката коса.

Пикси фризура

Една од фризурите што најдобро прилегаат на тенка коса е пикси стилот. Самите прамени во различна должина ќе помогнат косата да добие волумен. Може да ја носите на неколку начини – со патец на страна, со рамни шишки, замазнета...

Невидливи слоеви

Таканаречените скриени слоеви можат исто така да помогнат за бујноста на тенката коса. Станува збор за слоеви коишто се околу лицето и кои придонесуваат за дополнителна димензија и густина. Обратно од верувањето дека слоевитата фризура не одговара на тенка коса - доколку се изведе умешно може да направи чуда.

Класичен боб

Класичниот рамен боб може да се прилагоди на речиси секоја жена. Должината на ваквиот тип на фризура се менува во зависност од обликот на лицето. Боб-от е можеби и најсовршениот стил за ваквиот тип на коса - дава облик без дополнително да создава тежина. Со неа исто може да одберете како ќе го носите патецот, а може да додадете и шишки.

Фото: Instagram

Објавено:
15 август 2023
Категорија: 
Убавина