Барбери се оградува дека произведува токсична детска облека

Откако меѓународната еколошка организација Гринпис ги објави резултатите од последната анализа на 82 парчиња облека од познати брендови, вклучувајќи ги Барбери, Гап, Дизни и многу други, дека некои од нив содржат токсични хемикалии, се појавија и спротивставените оградувања од анализата. Воедно, според истражувањето, парчињата од детската колекција за пролет-лето 2013 на Барбери е токсична, вклучувајќи ја и металик кошулата што ја рекламираше малиот Ромео Бекам. Од Барбери пак, објавија официјално соопштение дека анализите на Гринпис се неточни и дека парчето облека што било испитувано веќе било перено со детергент што содржен токсични хемикалии.

-Сите производи на Барбери се сигурни и според сите пропишани стандарди. Ние имаме програма според која се придржуваме кон употребата на еколошки материјали. Кошулата на која се тестирало веќе била перена со детергент и не може да се смета дека ние сме ја пуштиле како штетна во продажба, соопштуваат од Барбери.

Од Гринпис го тврдат сосем спротивното и ги предупредуваат луѓето од целиот свет да бидат многу внимателни.

- Ова е посебно ноќен кошмар за сите родители што тргнале да купат облека за своите деца, овие хемикалии ги има во се, вклучувајќи ги и луксузните брендови. Откривме супстанца нонилфенол етоксилат, која може да предизвика нарушување во работата на хормоните, предупредуваат од Гринпис.