Ѕвездите здружени во борба против сидата

Карла Бруни Саркози

Повеќе од дваесет години, најважниот настан што се случува во рамките на Канскиот филмски фестивал после свеченото отворање и затворање на фестивалот е добротворниот настан што организацијата за борба против сидата го организира во соработка со филмскиот фестивал и е насловена amfAR Cinema Against AIDS.

Бјанка Балти, Карли Клос, Џејн Фонда, Лара Стоун и Барбара Палвин

Од 1993 година, серијата настани кои беа организирани под името amfAR Cinema Against AIDS, собраа повеќе од сто милиони долари, кои се исклучиво наменети за изнаоѓање на методот и целосен третман за заштита и лекување од ХИВ инфекцијата. На официјалната веб страна на фондот е објавено дека за само една ноќ во 2013 година, собрани се речиси 25 милиони евра и ова не е највисоката граница.

Карин Ројтфелд

Последниве години, организатор на светски позната манифестација за добротворно прибирање на средства во борба против сидата е модната уредничка Карин Ројтфелд. Како составен дел од агендата на ѕвездената вечер е добротворна аукција, како и моден перформанс, за кој што повеќе од 35 еминентни дизајнерски имиња во светски рамки креираа специјални модели на фустани. Златно-црната нијанса во чест на Елизабет Тејлор беше минатогодишната тематска боја на модното шоу, која оваа година е заменета со црвената во чест на безвременската модна и филмска икона Мерилин Монро.

дел од модниот перформанс и креациите во црвена боја инспирирани од Мерилин Монро потпишани од светски познати дизајнерски имиња

Познатите личности кои присуствуваа на забавата носеа креации на познати модни имиња, а како највпечатлива повторно се издвои 54-годишната катерка Шерон Стоун која се поајви во црвена долга тоалета на Роберто Кавали која во пределот околу стомакот беше дискретно откриена и ги откриваше стегнатите стомачни мускули на оваа актерка. Во толпата ја видовме и розарио Досон која носеше сина крњација на Вионе. Австралиската пејачка Кајли Миног беше облечена во пастелно розов долг фустан во сјајна нијанса дело на Хуан Карлос Обандо. Впечатлива беше и дводелната црно-златна винтиџ креација дело на Џани Версаче која ја носеше Лара Стоун. Карла Бруни Саркози пристигна со актерот Адриен Броди и буквално блескаше во долга црна тоалета дело на Максим Симонс.

Шерон Стоун пристигнува со друштво во креација на Роберто Кавали

Настанот се одржа во хотелот Cap-Eden-Roc во Антибес, каде присуствуваа навистина импресивна бројка на гости меѓу кои актери, актерки, режисери, дизајнери, музичари, модели кои мораа да го следат наложениот дрес код, црна вратоврска и костум за мажите, а тоалети за жените. Погледнете како изгледа кога на едно место се собрани сите холивудски ѕвезди заедно.