Нови Сад живее во духот на Егзит

Веднаш по спектакуларниот огномет кој го означи стартот на фестивалското лудило, точно на полноќ на 10 јули на главната сцена започна настапот на Pet Shop Boys кои воодушевија со аудио – визуелниот спектакл.  Впечатливи беа целата костимографија, сценографијата и ефектите кои во комбинација со познатите хитови на групата ја оставија публиката буквално без здив.

Меѓу останатите позначајни настапи беа на Stromae I Disclosure. Фановите на Stromae уживаа во комбинацијата на латино ноти со модните трансформации, а воедно славниот Белгиец дополнително ја подгреа атмосферата со тоа што на публиката и' се обрати и на српски јазик.

Главни ѕвезди на денс арената беа едни од најактуелните електро состави, Disclosure кои ја забавуваа публиката со двочасовен сет, а новиот концепт на нивниот настап со невидена техничка продукција, одлично осветлување и видео ефекти, гарантираше одлична журка.

Денеска и утре според програмата, фестивалското лудило треба да продолжи со настапите на Skrillex, 2Cellos, Negative,Black Amiga, Rundek Cargo Trio, Bernays Propaganda  и други.