Денешниот предлог од бизнис колекцијата на модната куќа Елена Лука е црната женствена кошула од жоржет која е совршена за правење на повеќе комбинации.
Во пресрет на новогодишните празници, издвојте се од сите останати и носете ја со одличните црно – сини панталони од брокат или пак со овие предлог здолништа од модната куќа.
Доколку сакате да изгледате подеднакво елегантно и софистицирано овие празнични денови, кошулата комбинирајте ја со темно сино здолниште со метален патент на средината и шик- џебови од страните.
Ако сепак сте девојка која речиси секогаш игра на сигурна карта, тогаш целосно црната комбинација е совршениот избор за вас. Кошулата од жоржет со повеќе начини на врзување, комбинирајте ја со ова одлично здолниште до колена во црна боја и уникатно врзување во задниот дел.
Последен од денешните предновогодишни предлози е светло сивото здолниште што ќе внесе вистинска свежина во целата комбинација. Во горниот дел, истото е украсено со нежен сатен во црна боја од кој се создадени и страничните урбани џебови.
Без разлика на тоа што ќе одберете, сигурни сме дека сите очи ќе бидат вперени кон вас!