Њујоршката модна недела започна во голем стил на тротоарите!

Овие денови фокусот и целото медиумско внимание ќе биде насочено кон модната недела во Њујорк. Сите патишта ќе водат кон градот кој никогаш не спие, благодарение на енергијата која ја поседува и пулсира 24/7, а сега уште повеќе бидејќи низ улиците парадираат вистински модни икони. Она што фотографите можеа да го забележат низ градските улици за време на првиот ден од модната недела е плејада на стилови и модни изгледи кои навистина оставаат без здив. Ако го земеме  предвид студеното време и снегот, сепак Њујорчани докажаа дека се луѓе кои разумно и не слепо ги следат трендовите и знаат како да ги искомбинираат модните парчиња. Впечатливи модни мозаици на принтови и бои. Предизмензионираните капути не изостанаа, како и капите и шаловите,  надополнети со уникатен избор на чанти.