Британците ја избраа најзначајната модна икона

Еден од најголемите британски синџири за козметички препарати „Superdrug“, кој постои од далечната 1964 година, спроведе истражување меѓу своите клиенти кои имаа задача на листа од 50 славни русокоси, бринети и црвенокоси да ја изберат најмаркантната модна икона од изминатите 50 години.

На овој ласкав список се најдоа 33 бринети, 16 русокоси и само една црвенокоса дама, Рита Хејворт. Крајните резултати од истражувањето ја ставаат Одри Хепберн на највисоката позиција, додека второто место го делат три русокоси, принцезата Дајана, Грејс Кели и Брижит Бардо. Во продолжението на листата стојат имињата на: Елизабет Тејлор, војвотката од Кембриџ, Анџелина Џоли, Кетрин Зета Џонс, Кели Брук, Мила Кунис, Џеки Кенеди, Викторија Бекам и Алекса Чанг.

Американската актерка Рита Хејворт

-Во текот гласањето, испитаниците имаа задача да ги земаат во предвид целосниот изглед на селектираните убавици, а со самото тоа што се најдоа на таа листа , според нас ги прави посебни, истакнува менаџерот на „Superdrug“, Симон Коминс.