Камил од „Емили во Париз“ е модна инспирација!

•

30 декември 2021

Со многу критики, „Емили во Париз“ е сепак една од најгледаните серии на „Нетфликс“. Кога е модата во прашање, очекувањата беа големи, но изгледот на Лили Колинс, односно Емили не сите ги воодушеви.

Но, затоа нејзината пријателка во серијата, Камил, според многумина е олицетворение на францускиот стил.

View this post on Instagram
A post shared by Camille Razat (@camillerazat)

Всушност, најмногу аплаузи одат во насока на изгледот на Камил кој е вистинска модна инспирација.

Во нејзиниот изглед нема ништо нападно, а сепак е мошне впечатлив. Не користи често интензивни бои, палетата на бои се движи во неутралните бели, црни, беж, сини парчиња... Принтот е реткост, а мешањето на истите, што често Емили го практикува како да е нејзино забрането модно правило.

Но, со оглед на тоа дека Камил е Французинка, сепак модното формирање на ликот е складно.

Инаку, вистинското име на актерката е исто така Камил и е познат француски модел и актерка од новата генерација, а нејзиниот стил приватно е мошне сличен на она што го гледаме во серијата.