Како да комбинирате црна во пролетни стајлинзи

Црната е навистина весела боја, доколку знаете како да ја искомбинирате. Не водете се според правилото: пролетната сезона е резервирана за светли бои, туку со вашата стилска умешност потрудете се да најдете место за секоја боја во вашите пролетни стајлинзи. Особено за црната...

Зошто? Затоа што многу едноставно се комбинира со целиот колорит и воспоставува баланс помеѓу боите, приликите, дневните и вечерни изгледи, а е заеднички пресек и за сите стилски правци.

Користете ја како основа или како детаљ, спојте ја во контраст со белата или смирете го шаренилото, имплементирајте ја во вашиот деловен изглед или поставете ја како доминантна боја за вашиот вечерен стил.

Во продолжение ве инспирираме со неколку стилски различни комбинации во кои заеднички момент е токму црната боја.