Како да стилизирате комплетно бели комбинациии

Белата боја е една од омилените во летниот период, но и не секогаш едноставна за комбинирање. Со само еден погрешен чекор, совршениот летен стајлинг може да се претвори во катастрофален.

Токму затоа во продолжение ќе ви посочиме на неколку совети и трикови:

• Дозирани модни додатоци

Кога носите фустан што го опфаќа и делот околу вратот, не претерувајте со модните додатоци. Тенок ремен ќе биде доволен да ја истакне половината и да го сврти вниманието кон вашите добри делови, а една до две алки ќе ја задоволат потребата од накит.

• Истакнете ги облините

Не стравувајте да облечете пенкало здолниште и да ги истакнете облините. Транспарентните материјали ќе го направат овој модел помодерен.

• Ракави и во лето

Доколку се чувствувате несигурни со разголени раце дури и во лето, постои совршена опција а тоа се ракави од тантела. Не само што нема да ви биде премногу топло, туку и ќе бидете во тренд.

• И панталоните се одличен избор

Но, со висок струк. Иако мислите дека е премногу топло за тоа, верувајте, доколку сакате добро да изгледате, панталоните со висок струк се идеални. Со нив комбинирајте широка маичка без ракави. А доколку не сакате премногу отворено деколте или кожата таму ви е чувствителна, одберете прикладен ѓердан. Може и во бела боја.

• Набори

Ако одберете фустан со набори кои поминуваат преку вашиот стомак, ќе ги сокриете недостатоците, а воедно и ќе добиете и подобра форма на половината.