Кој модел на цевка фармерки му одговара на вашето тело

Цевка фармерките се последниве неколку сезони најпопуларниот крој на фармерки кој може да се најде во сите продавници. Ако мислевте дека овој тесен, еластичен модел можат да го носат само слабите девојки, се лажете, бидејќи тајната се крие во бојата, материјалот, но и парчињата со кои ги комбинирате.

Еве кој модел на цевка фармерки му прилегаат на вашиот облик на тело.

1.Крупна градба

Одберете фармерки кои се со нешто повисока и покомотна половина. Бојата треба да е потемна, а препорачливи се и моделите кои имаат „избледен“ дел на натколениците и потемен околу листовите. Овој модел комбинирајте го со топ и долга туника.

2.Спортска градба

Жените кои немаат нагласени облини можат да си играат со нијансите, боите но и принтовите кои се тренди оваа сезона. Фармерките со принт усогласете ги со топ и кожена јакна, како и чевли до глужд.

3.Облик на тело круша

Овој облик го карактеризираат нагласени кукови. Одберете еднобојни цевка фармерки во темносина нијанса и комбинирајте си го блуза или кошула. Исто така, салонки во боја на кожа дополниетлно ќе ја издолжат ногата и ќе ја направат елегантна.

4.Песочен часовник

Жените со облини би требало да одберат удобен модел кој има повеќе еластин и кој не е претесен во пределот на половината. Избегнувајте премногу светли нијанси и играјте си со „избледените“ делови во пределот на натколеницата. Цевка моделот комбинирајте го со топ, сако во жива боја и елегантни чизми или салонки.