Модна навигација за жени: Што не треба да носите ако имате над 30 години?

Не дека ако сте ја поминале возраста над 30 години, значи дека сте престареле, но сепак одредени  парчиња облека и аксесоари не треба да си дозволите да ги купите или носите, зашто вие веќе сте зрела личност која околината треба да ја сфати сериозно, а облеката нели  секогаш праќа порака за нас и нашиот карактер. Одлично е да се чувствувате младешки, но задржете ја таа енергија за вашата психа, а не и со визуелна пренагласеност, гласат модните инструкции на професионалците во модниот свет. Младешките комбинации се одлични и по 30-та, но сепак оние вистински избраните. Во продолжение погледнете какви парчиња не треба да си дозволите.

UGG чими

Веќе неколку сезони ги носат сите, а најмногу тинејџерките. Ваквите чизми се направени за да се ужива во нивната топлина и практичност, но облечени во нив праќате несериозни сигнали. Ако сте заљубени во ваквите чизми, а имате над 30 години, време е да се збогувате.

Краток топ

Неговата форма говори доволно. Голиот стомак им прилега на помладите. Евентуално ваквиот топ можете да го носите само додека спортувате.

Премногу кратки панталони

Тренди е да се носат кратки панталони, но некои одредени кроеви потсетуваат на долна облека, а откриваат и многу повеќе од границите на пристојното. Оттука зарем е потребно да се каже нешто повеќе.

Обетка на целото уво

Ваквата обетка е храбар избор, кога веќе сте по 30-та година. Вие треба да бидете селективни, а  не веднаш да им се прилепувате на трендовите.

Смешни очила за сонце

Вашиот омилен модел на очила за сонце треба пред се да биде  квалитетн, а потоа модел кој е безвременски. Копиите и смешните рамки не се вистинскиот избор.

Шапка и ракавици со апликации на животни

Зимските аксесоари како шапката и ракавиците ги има во модели со ликови од животни, а оваа зима се појавија и такви со  мачкини уши. Нивниот изглед говори на кому му прилегаат, а кому не. Во случајот Ен Хатвеј погрешила.