Направете сами чевли во стилот на Миу Миу

Доколку не можете да си дозволите постојано да ја обновувате вашата колекција во однос на модните трендови, ние ќе ви понудиме туторијал со кој ќе можете веќе постоечките чевли да ги промените во стилот на Миу Миу. Се што е потребно е само доза креативност....

За нивната изработка ќе ви треба:

Еден пар чевли, по можност на висока потпетица, но нема да згрешите доколку се и на ниска потпетица

40 - 50 големи и средни кристали со големина од 10 до 15 мм.

30 – 40 мали кружни кристали со големина од 3 до 6 мм.

Лепак

Пинцета

Пластична чинија

Чепкалка

Мали клешти

Доколку имате кристали со метална позадина, отстранете ги со помош на клештите.

Ставете лепак во пластичната чинија и со пинцета нанесете го на задната страна од големите кристали.

Притиснете го кристалот во центарот на потпетицата. Од страна додадете ги големите кристали и на празните места ставете ги помалите.

За полесно да нанесете лепак на малите кристали користете чепкалка.

Кога ќе се исуши лепакот, изберете модни парчиња со кои ќе можете да ги комбинирате новите Миу Миу чевли.