Понеделник во темно црвено

Првиот ден од работната недела го дочекавме со дожд што значи дека треба добро да се заштитиме од него. Температурите се навистина високи за ова време од годината, па денеска носиме тенко и едноставно џемперче во темно црвена боја и го комбинираме со шармантно палто во иста нијанса и фармерки. Поради дождот, комбинацијата надополнете ја со гумени чизми во кои ќе се чувствувате безбедно во текот на целиот ден и модерна чанта во вид на ранче која ја обожаваме оваа есен. Од шминки единствено носиме темно црвен кармин кој денеска ни е доволен за да го разубавиме денот.