Вторник во зелена комбинација

Вториот ден од работната недела или првиот ден по продолжениот викенд поминете го во женствена комбинација составена од навистина уникатни парчиња. Денеска носиме класични темно зелени панталони и ги комбинираме со топло зелено џемперче со интересен принт во долниот дел. Комбинацијата истакнете ја со овие уникатни чевли со сладок украс на потпетицата и секако, ова шармантно палто кое ќе додаде уште повеќе стил на целиот стајлинг. Што се однесува до модните додатоци, носиме мала чантичка исто така во зелена нијанса, сребрени обетки и кармин во неодолива есенска нијанса.

Уживајте во прекрасниот ден!