Фустаните со принт ги ставаме во центарот на денешниот стилски двобој. Тоа што почнува есен не значи дека треба да престанете да носите фустанчиња, само треба да ги одберете соодветните.

Емилио Пучи предлага тоа да биде фустан со долги ракави, со транспарентни делови. Принтот во сини, црни и бели нијанси го прави да биде впечатлив и разигран.

Кај Кавали исто така се работи за фустан со долги ракави, но со ролка. Основата кај Кавали е црна, со впечатлив принт на предниот дел и  ролката. Дополнителен моден додаток се и копчињата зашиени на ракавите.

Комбинациите од двете модни куќи вклучуваат чизми до глужд, а пораката е дека и затворен фустан може да биде секси.

Кој е вашиот избор за оваа есен?

Објавено:
1 октомври 2015
Категорија: 
Стилски двобој
Прочитано:
1.033 пати
Тагови: 
Емилио Пучи Кавали фустан долги ракави стилски двобој принт