Кремасто кафе со банана и кокос

Ако сте расположени за нови вкусови, посебно ако вклучуваат кафе, тогаш задржете се на рецептот што следи во продолжение.

Блогерката Џилијан Харис има фантастичен рецепт за кремасто кафе со банана и кокос, чиј вкус ќе ве воодушеви.

А еве и како да го направите:

Потребни состојки:

За смесата со банана: 400 мл млеко од кокос, 1 банана, 1 и пол лажици шеќер, 1 шолја млеко од соја.

За кремот од кафе: 4 лажици Инстант кафе (не користете турско кафе), 4 лажици врела вода, 4 лажици шеќер, матете со миксер или маталка додека не добиете кремасто-пенаста структура. Постапката подетално ја имате подолу во текстот.

Подготовка за миксот со банана и кокос (пире):

Во блендер додадете го млекото од кокос, бананата и шеќерот. Блендирајте 3 минути или додека смесата не стане мазна и кремаста. Погрижете се маснотијата од кокосовото млеко да не се раздвои од миксот. Потоа, смесата исипете ја во тегличка или чаша, и ставете го во ладилник. Најдобро е оваа смеса да ја подготвите од вечер, за наутро само да уживате.

Ако сакате Лате постапката е следна:

Помешајте 5 лажички од миксот со 1 шолја млеко и мешајте со маталка. Загрејте ја смесата на средна температура, да биде млака, а потоа префрлете ја во блендер и матете 3-4 минути. Префлете во висока чаша и додадете ја пенасто-кремастата смеса од кафе и уживајте!

Ако сакате ладно кафе постапката е следна:

Во мал сад додадете 5 лажички од смесата со банана и кокос, потоа и шолја млеко и изматете ја смесата со маталка да се соедини. Ставете ја во чаша, додадете 3-4 коцки мраз и одозгора ставете ја кремастата пена од кафе.

За кремасто кафе постапката е следна:

Измешајте ги сите состојки за за смесата со кафе со миксер и матете околу 5-7 минути. Префрлете ја смесата во чаша, врз миксот со банана и кокос.

Доколку кокосовото млеко ви е скапо, направете комбинација од млеко со ниска масленост и кокос, и изблендирајте, за да биде компактно. Нема да е исто, но сепак макар малку ќе можете да ја вкусите комбинацијата на кокос и подоцна банана и кафе.

За секоја од овие варијанти на кафе ќе ви бидат потребни 5 до 9 минути.

извор: @jillian.harris;