Неколку интересни совети за совршени палачинки
•
16 јануари 2021
Палачинки со крем, банана, мед, овошје… Храната од соништата за многумина се токму палачинките. Не за џабе имаат и свој Меѓународен ден. (9 февруари). Но, постојат неколку трикови за да ги добиете оние меки, фантастични, неодоливо вкусни палачинки.
View this post on Instagram
Секогаш користете закиселено обезмастено млеко
Киселоста на маштеницата - закиселено обезмастено млеко, додава поинтензивен вкус и помага палачинките да станат помеки од оние направени со обично млеко.
Состојките мора да се на собна температура
Пред да ги употребите, ставете ги брашното, јајцата и млекото на собна температура. На тој начин, мноу полесно ќе добиете хомогена смеса.
View this post on Instagram
Изматете ги белките посебно
За да добиете воздушести и меки палачинки, неопходно е претходно убаво да ги изматите белките од јајцата. Жолчките измешајте ги со останатите мокри состојки, а изматените белки додадете ги на крај многу внимателно.
Помалку е повеќе - барем кога е мешањето во прашање
Интензивното мешање на тестото создава глутен, а глутенот им дава непожелна текстура на палачинките.
Печете на добро загреана тава
Бидете трпеливи и почекајте добро да се загрее тавата пред да ја нанесете смесата. Добрата палачинка изискува жешка тава.
View this post on Instagram
Користете масло
Сите го претпочитаат путерот во готвењето, но путерот многу побргу гори од маслото. Токму затоа, намачкајте ја тавата со масло наместо со путер, пред да ја ставите смесата.
Не вртете предвреме
Палачинката е доволно испечена на едната страна кога ќе забележите дека рабовите почнуваат да добиваат златникава боја. Тогаш е време за маестрално вртење!
