Дефинитивно нема поубав десерт за топлите денови од вкусниот овошен чизкејк кој ќе ве освежи, а она поради што особено го сакаме, е тоа што се прави лесно и брзо.
Совршениот спој на кремот од сирење и бројните овошја што можете да ги искористите, даваат неверојатен вкус на кој никој не може да му одолее.
Ова е одличен избор за разни летни забави, меѓу кои и родендени, па дури и свадби, секако, со соодветна декорација.
Во време кога има огромен избор на свежо овошје, одберете ги најслатките меѓу кои малини, капини, цреши, вишни и што уште не и направете го совршениот рецепт.
Еден таков, читате во продолжение.
Потребни намирници за розовиот чизкејк:
-450 гр.шумско овошје
-220 гр.мелени бисквити
-150 гр.путер
-Две лажици мед
-500 гр.крем сирење
-300 мл.слатка павлака
-160 гр.шеќер во прав
-Сок од пола лимон
-Две кесички желатин
-Четири лажици шеќер
-Две кесички ванилин шеќер
-100 мл.вода
Подготовка:
Во сад ставете ги мелените бисквити, растопениот путер и медот. Смесата ставете ја во калап и изедначете ја. Измешајте го сирењето и шеќерот во прав, додајте ја претходно изматената слатка павлака, сокот од лимон и кесичка желатин. Овошјето ставете го во блендер па така измешано ставете го во белиот крем за да добие розова боја. Добиената смеса ставете ја врз бисквитите и оставете во ладилник да стои најмалку 30 минути. Украсете со ситно овошје одозгора по ваш избор. Доколку сакате поинтересен ефект, измешајте го шеќерот од ванила и водата на тивок оган додека не проврие. Оставете да се излади смесата и додајте кесичка желатин, па сето тоа ставете го врз белиот крем и оставете да се излади два часа.
Добар апетит!
Извор: Journal.hr
Фото: Instagram, Google, Journal.hr
