Време е за омилениот есенски пијалок: Pumpkin spice latte

Првите есенски денови се зад аголот, а еден од најдобрите начини да ги дочекаме е опкружувајќи се себеси со нешта кои ни будат пријатни спомени и прават да се чувствуваме релаксирано и удобно.

Многумина тоа го постигнуваат со суптилни промени во домашното уредување, додавајќи перничиња, декорации и миризливи свеќи во просториите на домот, а за некои пак обновувањето на гардеробата со топли есенски парчиња облека е доволен избор за среќа.

Но, речиси секој би се согласил дека свежите и врнежливи есенски денови и самите „бараат" вкусен топол и ароматичен напиток, без разлика на тоа дали преферирате да го пиете за време на работа или пак попладневно релаксирање со добар филм.

Фото: Pinterest

Кремастото pumpkin spice latte (лате со зачини од тиква), стана универзален симбол на есента, и речиси секое кафуле нуди своја верзија на истото во своите сезонски менија. Но, доколку сакате да го подготвите овој вкусен пијалок дома, следете го овој едноставен рецепт и уживајте!

Фото: Pinterest

Фото: Pinterest

Потребни состојки:

• 750 мл млеко по избор
• 4 лажички шеќер
• 1 лажичка мелен цимет
• 0,5 лажички екстракт од ванила
• 0,5 лажички мелено морско оревче
• 0,5 лажички мелен ѓумбир
• 0,5 лажички црн бибер
• 180 мл сварено кафе

Фото: Pinterest

Фото: Pinterest

Подготовка

• За почеток, направете ја мешавината од зачини од тиква со мешање на цимет, морско оревче, ѓумбир и црн бибер во мала чинија. Мешајте додека не се соединат состојките.
  
  
• Потоа додадете топло (не зовриено!) млеко, шеќер, екстракт од ванила и зачините што претходно ги измешавте. Сè заедно ставете во блендер и мешајте додека не добиете пенеста маса.
  
  
• Готовата течност од блендерот поделете ја во шолји, оставајќи доволно простор за кафето, но и шлагот (доколку користите).
  
  
• На крај, во шолјите истурете го свежо свареното кафе и додадете шлаг по желба.

Фото: Pinterest