Дрвени машни – моден додаток кој ќе ве освои

Неговата пасија кон модата во комбинација со изработката на дрво, занает кој го наследил од својот татко, Немања ја преточи во нова колекција на модни додатоци кои воодушевуваат со својата уникатност.

Српскиот дизајнер кој е дел од брендот „Bowtie wooden style“ лансираше нови дрвени машни-пеперутки направени од најквалитетно ореово и јаворово дрво во комбинација со текстил, за чија инспирација му послужила исклучително природата. Овој моден додаток е наменет за сите оние припадници на посилниот пол, кои сакаат да експериментираат со деталите и кои негуваат несекојдневен изглед. Побарувачката за ваквите аксесоари постојано расте, а сега за сега сите заинтересирани може да ги набават истите само преку интернет. Во продолжение, погледнете ги новите модели  изработени од Немања Стојановиќ и одберете ја вашата омилена машна-пеперутка.