Изабел Марант со лимитирана колекција на часовници

Во средината на овој месец, во продажба ќе биде пуштена лимитирана колекција часовници со потписот на Изабел Марант. Моделите се инспирирани од француските дизајни и безвременските креации на француските мајстори на овој занает.

После златната едиција на истиот модел часовници, брендот Изабел Марант во соработка со францускиот бренд La Montre, кој е синоним за рафинирана и шик елеганција во поглед на изработката на часовници, лансираат нова лимитирана едиција на часовници.

Дизајнот е во духот на минимализмот, има едноставна линија, со тенки ремчиња во црна кожа кои беа популарни во 50 – тите години на минатиот век. Механизмот е во квадратна форма на црна основа сместен во сребрена рамка. Цените на моделите ќе се движат од 850 евра па нагоре, а можат да се купат во луксузните и елитни продавници на La Montre и он лајн почнувајќи од 19 – ти ноември.