Како оваа сезона да носите свилена марама во косата?

Со доаѓањето на топлите денови, дојдоа и многу нови супер идеи и трендови кога е модата во прашање. Еден од нив е дефинитивно трендот на стилизирање на косата со свилени марами кој ги освои девојките ширум светот.

Покрај тоа што свилените марами се навистина шик, тие ѝ даваат и една посебна, ретро димензија на секоја комбинација.

Она што е супер е тоа што можете да ги носите во различни пригоди како на пример во секојдневните комбинации за на работа, за излегување, па дури и за некои свечени прилики каде едноставниот црн фустан ќе го украсите со марама со некој посебен принт.

Без разлика дали сакате косата да ја носите права и пуштена, лежерна и виткана или пак собрана во некое опавче или пунџа, свилената марама секогаш ќе остави посебен впечаток.

За гламурозен изглед секогаш можете да се инспирирате од прекрасната и единствена Брижит Бардо како најголема обожавателка на свилените марами, а бројни идеи денеска ќе најдете и на социјалните мрежи, особено на профилите на познатите светски блогерки.

Во галеријата погоре погледнете ги најинтересните начини како оваа топла сезона можете да ја носите вашата омилена марама врзана во коса!