Најубавите чевли од улиците на Милано

Додека на улиците низ Лондон можевме да видиме малку поинакви чевли, прекрасните Италијанки докажаа дека за нив сѐ уште најголемо значење имаат добрите високи потпетици.

Тоа воопшто и не е чудно, бидејќи токму од кај нив доаѓаат и најубавите колекции чевли од италијанските, инаку светски познати дизајнери.

Во моментов една од најпознатите италијански модни куќи е дефинитивно Аквазура чии чевли и во најголема мера преовладуваа на улиците низ Милано за време на модната недела.

Нивниот неодолив модел Wild Thing украсен со кожени реси дефинитивно е најбараниот за сезонава, па девојките го комбинираа буквално со сѐ, почнувајќи од здолништа во А – крој, па сѐ до boyfriend фармерки во кои повеќето се заљубени.

Огромен интерес кај блогерките предизвикаа и моделите од пролетната колекција на модната куќа Миу Миу, а станува збор за панк балетанките и лакираните црвени потпетици со различни траки од свила што се заврзуваат околу глуждовите.

Моделот чија популарност буквално не престанува е оној од модната куќа Гучи, односно удобните мокасини од мека кожа со мала украсена потпетица и шнола во предниот дел, пишува Buro 24/7.