Рибок порачува: Сакај ме или остави ме!

Дизајнерката на накит Мелоди Исани се впушти во нова модна приказна овој пат со брендот Рибок, создавајќи го новиот женски модел на патики Reebok Classic Pump Omni Lite, а колекцијата го носи насловот „Love me or Leavme me alone“.

Патиките се совршени за ова пролетно време, бидејќи претставуваат вистинска експлозија на бои и „откачен“ принт. Всушност и самата дизајнерка е голем љубител на интензивните бои, а е првата жена која со Рибок работеше на редизајнирањето на овој модел на патики.

За да докаже дека женските патики, и покрај предрасудите, не мора да бидат розови, Classic Pump моделот го осмисли како нешто мозаично, нешто што ќе го носат силни и моќни жени. Зелена, сина и црвената боја се нагласено со помош на црната и белата, а се е зачинето со принтот на питон.

Врвките во различни неонски нијанси го комплетираат изгледот на патиката. Металниот натпис Love и малиот катанец да ја заклучи таа љубов, како моден додаток на Мелоди, но и омилените стихови на дизајнерката испишани во внатрешноста на патиките, ги прават овие обувки посебни.

Во продолжение погледнете како изгледаат новите тренди патики на Рибок и Мелоди.