Секси и егзотично лето 2016 со Women'secret

Денеска во продавницата на Women'secret во Skopje City Mall беше презентирана новата колекција костими за капање за оваа сезона, лето 2016. Брендот ветува незаборавно лето со оваа колекција во која костимите за капење следат различни, актуелни трендови и се вистинска инспирација за уживање под сонцето.

Бохо – седумдесетите се среќаваат со сегашноста

Колекција инспирирана од 70-тите, специфични принтови, реси, нитни и карнери. Одлични за девојките со боемски дух да ја истакнат својата женственост во најжешкиот период од годината.

Природна софистицираност

Еднобојни парчиња украсени со метални апликации. Минимализам во комбинација со впечатливи дезени, луксузни материјали и повеќенаменски парчиња дизајнирани за софистицирани жени.

Јамајка – изгубениот рај

Реинтерпретиран морнарски стил, костими со една прерамка и хитот за ова лето - плетени елементи во повеќе различни форми. Колекција која изобилува со интересни комбинации на дезени, како на пример риги со цветови и иновативни детали. Создадена за најмодрените девојки на плажата.

Тропски патувања

Бразилска инспирација со тропски мотиви кои асоцираат на патувања во Сао Паоло или Рио де Женеиро. Неодоливи модели на костими за капење, храбри принтови и многу украсни детали.

Африканска енергија

Океан, бранови, сурфање и релаксација. Африкански принтови во комбинација со солена вода....Колекција полна со инспирација од Африка и неочекувани комбинации: тиркизна и сина во контраст со црна боја, интересни текстури и модели со спортска нишка.

Соработка до Јасна Лековска – Trinity
Како и минатата, така и оваа сезона Jaсна Лековска од Trinity останува пријателка на women'secret. Како "it" девојка – млада, активна, динамична и секси, таа секојдневно го промовира брендот со својот имиџ, а учествува и во неколку заеднички проекти.

Во галеријата во продолжение одберете го вашиот омилен модел: