Што кажува накитот за вас

Дали некогаш сте се запрашале зошто бурмата се носи на домалиот прст или зошто низ историјата големите прстења биле симбол за статус, па најчесто ги краселе рацете на угледните и влијателни личности?

Британските психолози воочиле уште една правилност во „говорот на прстените“. Колку е прстенот поголем тоа е понагласена одредена особина на неговиот сопственик, се разбира во зависност од прстот на кој се носи прстенот.

Личностите што најчесто го носат прстенот на кажипрстот се горни и продорни. Го сфаќааат животот мошне реално и материјалистички се ориентирани. Прстенот на средниот прст открива перфекционист и некој што обврнува внимание на деталите. Таквата личност е критична и кон себе и кон другите.

Ако ова парче накит сакате да го носите на домалиот прст, тоа значи дека сте интуитивни, чувствителни и друштвени.

Оние пак, кои прстенот го носат на малиот прст, поседуваат уметнички способности и нагласени креативни потенцијали.