Мадона на интензивна нега, светската турнеја одложена

Откако била пронајдена без свест, Мадона итно е пренесена на ургентно во болница во Њујорк.

Според изјавите на нејзиниот менаџер, во саботата вечер, 64 годишната кралица на поп музиката, била веднаш интубирана, и дури вчера се разбудила.

Причината за хоспитализирањето е сериозна бактериска инфекција на која што ќе ѝ треба дополнителен третман.

Со оглед на новонастанатите околности, Мадона ја одложува светската турнеја "Celebration" која што беше планирана да стартува на 15 јули во Ванкувер, Канада.

Ѕвездата пред неколку месеци ја најави турнејата со која што сакаше да го одбележи 40 годишниот јубилеј на нејзината музичка кариера.

Глобалната мега турнеја требаше да посети 43 градови и да заврши во јануари 2024.

Фото:Pinterest