Calvin Klein Jeans и mytheresa ја прославија успешната соработка со приватна забава

Џастин О'Шеа, Лоти Мос и Кевин Кериган

Calvin Klein Jeans и mytheresa.com изминатиов викенд решија да ја прослават нивната успешна соработка со организирање на приватна коктел забава во Лондон.

Лоти Мос и Мајкл Аведон

Ексклузивната колекција фармерки што Calvin Klein Jeans ја дизајнираше за mytheresa.com се состои од повторно редизајнирање на дел од иконските парчиња што низ годините важат за омилени и најпродавани меѓу клиентите ширум светот. Заштитно лице на оваа кампања е Лоти Мос која беше и главната ѕвезда на коктелот.

Мисти Рабит и Мајк Скинер

Приватната забава беше во организација на брендот Calvin Klein Jeans и онлајн модната платформа e-Commerce, а се одржа во Розенфелд Порчини Галеријата во центарот на кралската престолнина.

Меѓу присутните, покрај Лоти Мос, можевме да го видиме и фотографот Мајкл Аведон кој ги овековечи фотографските кадри за кампањата, но и Амбер Ле Бон, Дејзи Лов, Лија Велер, Талула Харлеч и многу други.