Еди Марфи ќе стане татко по десетти пат
•
22 август 2018
Актерот Еди Марфи е татко на девет деца од пет различни жени, а како пренесуваат светските медиуми, во 57-та година ќе стане татко по десетти пат.
Тој е во врска со Пејџ Батчер, 39-годишен австралиски модел, а таа неодамна е видена во Лос Анџелес во блажена состојба.
Инаку, Пејџ и Еди веќе имаат двегодишна ќерка Изи Уна Марфи.
Од „Дејли Мејл Австралија“ се обиделе да го контактираат менаџментот на двојката за коментар, но за сега нема никакви дополнителни информации.
Актерот и моделката се заедно од 2012 година, а првпат се запознале на сетот на филмот „Big Momma's House 2“ во 2006.
За потсетување, Еди има пет деца со поранешната сопруга Никол Мичел и по едно со поранешните партнерки Мел Би, Тамара Худ Џонсон и Паулет Мекнили.