Актерката и пејачка Хилари Даф (32) е мајка на две деца - Лука (8) и Бенкс (1). И без разлика дали сте позната личност или не, доколку сте родител, во овој период на изолација се соочувате со истите проблеми - како да постигнете мир во куќа и да ги анимирате децата, а притоа да не се запостават останатите домашни обврски и нивното училиште.
Токму на таа тема Даф зборува во интервјуто за „Космополитен“. Како вели, нејзиното расположение се менува од благодарност и среќа до максимална исцрпеност.
View this post on Instagram
„Исцрпувачки е, навистина многу. Имам денови кога мислам дека сум поместила планини и заслужувам медал. А потоа има денови кога си мислам: „Како воопшто можам да се жалам? Сите сме здрави имаме двор и имаме базен“. Но, реално е тешко. Знам дека голем број од луѓето ќе го осудат моето „кукање“. Луѓето што го имаат тоа што им е потребно. Се чувствувам навистина благодарно. И сите, без разлика кој сте и што, чувствува загуба на некое ниво. За среќа, кај нас тоа не е загуба на човечки живот, туку животни промени што (ќе) влијаат на сите. И во ред е да ги испочитувате вашите чувства“, вели актерката.
Даф додава дека како и секој родител, таа и нејзиниот сопруг се трудат максимално да го исполнат времето на нивните деца.
View this post on Instagram
„Искрено, повеќето од деновите се добри. Имав само неколку навистина тешки денови кога се чувствував навистина без енергија, исцрпетно и истрошено од моите деца. Нема да лажам, децата се напорни. Секој ден кога легнувам во кревет разговараме со сопругот и се прашуваме: „Дали ние си ги мразиме децата или за што се работи?“. А потоа, следниот ден кога ќе се разбудиме, веќе е нов ден и лошите чувства поминале, па сме неверојатно благодарни на нашите деца. Забавни се, нè засмејуваат“ вели Хилари, додавајќи дека дека и за децата оваа ситуација е подеднакво стресна.
Според неа, совршенство во вакви ситуации не постои.
View this post on Instagram
„Сите го чувствуваат стресот. Мислам дека нема човек што се чувствува или ќе рече: „Совршено ни е“. Не е. Ние немаме помош, така што сè што се случува во домот го решаваме и чистиме сами. Објаснувањето на децата пак, што се случува без да се создаде нервоза, е нешто сосема друго. Но, сонцето грее и јас сум благодарна за тоа. Треба само уште малку да се издржи. Се имаме еден со друг и тоа е сосема доволно“, категорична е актерката, која повторно потенцира дека е благодарна што го споделува ова време со своето семејство и што се трудат максимално да го живеат мигот, сегашноста.
View this post on Instagram
View this post on Instagram