Како и каде живее Тамара Мелон
•
18 октомври 2014
Една од најуспешните жени во модната индустрија и една од основачките на луксузниот бренд Џими Чу, Тамара Мелон пред неколку години ја напушти познатата модна куќа со амбиции да основа сопствен бренд.
Оваа 47-годишна бизнис жена, своето интимно, домашно царство го гради на две различни адреси. Поседува два луксузни апартмани, едниот во Лондон, а другиот во Њујорк и без сомнеж и двата се уредени дизајнерски, со атрактивен мебел кој прецизно го отсликува нејзиниот сензибилитет во просторот.
Карактеристично е што нејзините домови се пространи, осветлени, со дозирана романтичност, а она што го доловува нејзиното присуство во секој сегмент се многуте детали и предмети кои се интимно приврзани со нејзината личност.