„За мене оваа 2020 ќе биде година на здравјето“, гласеше една Инстаграм објава на веројатно една од омилените анти-Холивуд актерки, Ребел Вилсон. Таа најави тогаш дека ќе води војна со килограмите, а за тоа колку сериозно го сфатила ова, говори податокот дека досега изгубила 18 килограми.
View this post on Instagram
Вежба со личен тренер, Џоно Кастано, кој веќе објави фотографии за нејзиниот напредок, потенцирајќи колку е горд на неа.
Актерката најави дека нејзината цел до крајот на годината е 75 килограми помалку, и дека за помалку од шест месеци успеала да симне 18, што дава впечаток дека е на добар пат.
View this post on Instagram
„Цел живот водам битка со килограмите. Најчесто посегнувам неконтролирано по храна, воглавно сладолед и десерти, после стресен ден или кога нешто лошо ќе ми се случи. Сепак, тоа што сум/бев поинаква беше добра работа за мене. Кога првпат влегов во канцеларијата на мојот агент, ме погледнаа и рекоа: „Вау, немаме некој што изгледа како тебе“, откри 40-годишната актерка порано годинава.
View this post on Instagram
Во текот на кариерата дури била и дополнително платена да биде уште покрупна за некои улоги, кои пак ѝ помогнаа да ги придобие симпатиите на публиката, но стресот ѝ предизвикувал неконтролирана потреба за храна и прејадување.
Остварувањето на зацртаната цел е условено од строг режим на исхрана и тренинг. Не внесува шеќери и брза храна.Не се оптоварува со броењето калории, туку на внесот на влакна. Така ја превенира гладта, го контролира шеќерот во крв и подолго време е сита.
View this post on Instagram
Вежба шест пати во неделата (на почетокот и седум), а еден одмора. Тренинзите се интензивни во интервали, а исто така практикува и вежби за мобилност и отпор, крева и тегови. Исчекори, трчање по скали и клекнувања се чест дел од нејзиното секојдневие, а и пилатес топката е тука.
View this post on Instagram
Тој еден ден кога прави пауза од тренинг, сепак се труди да направи 10.000 чекори.
„Одлучна сум. Сакам да ја намалам телесната маст и да станам поздрава личност. Не се работи за бројката на вага, туку за мене“ изјави Вилсон за „Тудеј Екстра“.
Сепак, килограмите ги губи, но не и смислата за хумор, а ова видео само нè потсетува на тоа:
View this post on Instagram
Оваа нејзина одлука и напредок можат да бидат вистинска инспирација за некој што ја води истата битка како неа или допрва ќе треба да се избори.