Во рамки на Париската модна недела, викендов се славеше жената и убавината. Брендот „Лореал“ во саботата направи дефиле со амбасодорите. Ева Лонгорија, Енди Мекдауел, Шерил Твиди, Камила Кабељо се само дел од оние што се појавија на пистата.
Сепак, сето внимание го украде Хелен Мирен. Таа на пистата излезе во прекрасен свилен фустан со принт, со минимална шминка, трчајќи боса.
Насмевката на лицето покажа дека 74-годишната актерка е во одлична форма и дека ѝ е удобно во својата кожа.
Фотографијата ја сподели и на својот Инстаграм профил, коментирајќи дека буквално „одлетала“.
Инаку, на пистата се појавија вкупно 32 жени од различни професии - актерки, модели, пејачки, а носеа креации од десет познати брендови, вклучувајќи ги „Балман“, „Карл Лагерфелд“.
Погледнете: