Бела кошула - од канцеларија до плажа

•

14 јули 2023

Речиси и да нема гардеробер без бела кошула во него. Oва парче облека можеме да го носиме од канцеларија, па сè до плажа и да го комбинираме со што сакаме.

Една oversized бела кошула летово ќе му даде посебен шмек на секој аутфит, без разлика дали имате деловен состанок или одите на вечерна забава под отворено небо.

Таа ќе се совпадне со секој стил, минималистички, еклектичен, а ќе им послужи и како база на оние кои ги сакаат боите и дезените.

Во лето ви предложуваме класичната бела кошула да ја замените со ленена низ која кожата полесно ќе дише. Притоа ја задржувате потребната доза на професионалност и елеганција.

Ако сакате да дадете личен печат на аутфит со бела кошула под неа облечете маичка со интересен принт или додадете впечатлив накит или марама.

Можете да ја искомбинирате со шорцеви, панталони со широк крој, здолништа па дури и со костим за капење.

Кошулата ќе биде одличен додаток за прошетката од плажа, до кафуле или апартманот каде престојувате.