Деловни комбинации инспирирани од уличните трендови

Неограничената доза инспирација од уличната мода може да ни послужи и при комбинирањето на нашите деловни парчиња. Особено во овој летен период, кога колоритот е екстремно богат, во нашиот деловен стил може да внесеме свежина преку колор блок комбинациите.

Дводелните комплети што вклучуваат здолниште со висок струк и маичка со натпис или панталони-килоти со лесна кошула, се меѓу нашите фаворити.

Кога се во прашање асесоарите, мини чантите за преку рамо, впечатливите ремени околу струк или лесните марами со шарени дезени, идеално се вклопуваат во актуелните тренди деловни аутфити.