Креативни зимски комбинации во модерен градски ритам

Дами, знаете дека топлите есенски денови нема да траат уште долго, затоа ви предлагаме што поскоро да се прилагодите на ниските студени температури и подготвени да ги дочекате зимските денови. Тоа дека е зима не значи дека треба да се откажете од светлите, пастелни нежни и романтични тонови, напротив, бидете креативни и обојте ги сивите и тмурни снежни денови.

Капутите во нежна пастелна боја, што беа особено популарни изминатата студена сезона, можете да ги носите секојдневно на работа. Неверојатно стилскиот капут со едноставен крој, а особено атрактивната боја ќе внесе шармантна свежина во вашето секојдневие. Комбинирајте го со сиви или беж нијанси за да презентирате елегантен и безвременски изглед.

Класичното boyfriend сако во комбинација со фармерки во цигара крој и добар пар чизми ќе го нагласат урбаниот сегмент во фокусот на вашето модно пулсирање. Надополнет со доза на флексибилност овој изглед ќе ви овозможи полесно но стилско и модерно движење низ градските улици.

Комбинацијата на здолниште со должина до глужд е одличен избор за сите вљубенички на шик – елеганцијата. Овој стајлинг најдобро можете да го стилизирате со едноставни црни чевли на потпетица и меко плетиво. Впечатливиот жолт тон ја разбива монохроматска игра на црно – белите нијанси и му дава неверојатна разиграност на целиот изглед.

Кога станува збор за создавање на зимски модни приказни имајте во предвид дека слоевитиот изглед е мошне популарен оваа сезона, па не се ограничувајте во изборот и храбро експериментирајте.