Оваа есен „означете“ ја со амблеми и симболи

Кристијан Диор пролет-лето 2014

Амблемите кои во минатото беа симбол, однос семеен грб на кралските семејства и луѓето гордо ги носеа прикачени на облеката се чини дека повторно ќе го вратат изгубениот сјај. Дизајнерите за претстојната сезона решија на своите клиенти да им дадат титули на витези и кралеви, па своите модни парчиња ги збогатија со уникатни амблеми како симбол на едно изгубено време и традиција.

Виктор и Ролф, есен 2014

Во почесниот круг на модни куќи кои решија да им го вратат стариот сјај на кралските амблеми беа модните куќи на Кристијан Диор и Виктор и Ролф. Креативните тимови на брендовите ги аплицираа витешките декорации во своите летни парчиња, а на оваа тенденција се надоврзаа модните куќи Vfiles, DKNY, Мери Катранцу и Трусарди на кои пак кралските знакови им послужија како модни детали во дизајнирањето на зимските колекции.

DKNY, есен 2014

Раф Симонс изјави дека дел од парчињата за претстојната сезона потсетуваат на кадетските школски униформи за кои посочи дека никогаш не излегуваат од мода, но потврди дека дел од парчињата добиле вистинска трансформација, а додавањето на амблемите им дава нота на елеганција бидејќи изгледа како вметнат брош што дополнително ја збогатува целата композиција.

Мери Катранцу, есен 2014

Интересен е фактот што секој амблем и знак кој што бил аплициран порано на парчето облека има свое значење и тоа е најчесто тесно поврзано со семејната историја и традиција. Дизајнерите, генерално не оделе толку далеку. Тие длабоко нуркаат во модниот океан и секој успева на свој начин да го долови значењето на амблемот.

Трусарди, есен 2014

Додавањето на нови и интересни детали во модното секојдневие ќе ја разбие монотонијата и ќе внесе свежина во креирањето на модните изгледи. Затоа бидете храбри и одберете си сами на кое кралско семејство ќе припаѓате оваа зима.