Тренд аларм: Вистински зимски стајлинг за мажи

Со оглед на ниските температури, кои по се' изгледа нема да не' напуштат наскоро, ние за урбаните мажи денес подготвивме еден вистински зимски стајлинг.

Дебел дуксер е едно од парчињата што треба да ги поседувате во зима. Токму еден таков, сив со натпис во предниот дел, ние искомбиниравме со темни фармерки и длабоки чевли со волна во внатрешноста, во кафена нијанса.

За уште потопла комбинација одбравме монтка во портокалова боја, што не само што ќе ве стопли, туку и ќе внесе свежина и радост во вашиот изглед. Не заборавајте на волнена капа, со сини и портокалови шари. Сега сте комплетно подготвени да се справите и со студот и со снегот! Уживајте во зимата!