Ако сте од оние кои сепак успеаја да фатат малку „боичка“ летово, можеби овој текст ќе ви биде интересен.
Исончаниот тен прави некои парчиња облека подобро да изгледаат на нас, а и повеќето жени се чувствуваат поубаво со малку потемна нијанса на природниот тен, кој како да е решението кое ги покрива недостатоците.
Што и да е вашата причина поради која се чувствувате поубаво со исончан тен, еве три совети како да го задржите подолго:
Комплетна хидратација на телото
Стручните лица истакнуваат дека хидратацијата на телото е клучниот фактор во зачувувањето на исончаниот тен. Затоа, пијте доволно вода и никако не заборавајте ги кремите за хидратација на лице и тело.
Пилингот сега не е добар пријател
Иако пилингот често се нагласува како вистински сојузник за убава и мазна кожа, ако сакате да го задржите исочаниот тен подолго, ќе треба малку да паузирате со пилингот. Исто така, крпите од фротир би било убаво да ги замените со мазни, а после туширањето, немојте да ја триете кожата, туку нежно поминете со крпата или со тапкање.
Хранете се со намирници богати со бета каротен
И правилната исхрана ќе ви помогне доста во желбата да имате што подолго исончан тен. Што да имате почесто на менито? Кајсии, сладок компир, домати, спанаќ, манго и морков се магичните намирници.