Летната сезона е полн ек, а со тоа и заминувањето на годишен одмор. Чоколадниот и бронзен тен е желба како на припадничките од понежниот пол така и на оние од посилниот пол. Тимот на fashionel истражуваше кои бои на лакови за нокти одговараат кога вашиот тен е потемен од вообичаено и кое е значењето на боите. Меѓу склопот на нијанси, портокаловата боја дефинитивно ја одбележува сезоната, а место блиску до пиедесталот зазема и светло сината, виолетовата и жолтата. Секоја боја, со своја приказна, свој белег и значење. Креативна умствена гимнастика, додека читате за значењето на овие топ 4 тонови пробајте да ги излакирате вашите нокти.
Портокалова
Во Антички Рим со оваа боја биле боени ткаенините за свадба. Ова е поради тоа што симболизира унија на чувства и топлина.
Во хинду религијата овој тон укажува на одрекување од материјалните добра и подвизи.
Интересно е дека оваа боја укажува на втората чакра која е регулатор на сексуалноста, емоциите, инстинктите и создава баланс помеѓу телото и умот.
Жолта
Заедно со своите нијанси претставува света боја во будизмот и симболизира мудрост.
Сина
Според, Маите сината и зелената се боите кои се наоѓаат во центарот на универзумот.
Во древен Египет сината е боја на кожата на богот на воздухот Амон.
За Ориентот тоа е боја која се бори против лоша среќа. За луѓето кои имале сини очи с велело дека поседуваат магична моќ.
Виолетова
Тоа е боја која често се поврзува со магија и мистерија. Можеби затоа што ретко имаме можност да ја сретнеме во природата.
Во Европа и Северна Америка, виолетовата боја и нејзините нијанси заради својот слаб интензитет се често поврзувани со површност и екстраваганција. И не е случајно што од седумте смртни гревови,виолетовиот тон е заштитен на знак на гордоста и суетата.