Одбрани учесниците на Rock Fest

По едномесечниот оглас за пријавување на бендовите, конечно се одбрани групите кои на 17 декември  во МКЦ, ќе настапат на јубилејното, 30-то издание на Rock Fest.

Годинава љубителите на рок-музиката, ќе имаат шанса да чујат пет исклучително добри групи, чија музика се движи од класичен рокенрол, преку хард-рок, алернативен рок, гранџ, па сѐ до екепериментален и нојз-звук.

Овие бендови со својата музика и музицирање ќе се обидат да ја освојат публиката и жирито, и да станат победници на јубилејното издание на Rock Fest. Најдобрата група како награда ќе добие можност за снимање на албум. Покрај тоа, традиционално ќе биде избран и најдобриот гитарист на фестивалот, кој како и секоја година ќе добие награда, професионална гитара Yamaha, што со години наназад ја доделува продавницата за музички инструменти „До-Ре-Ми“ која е генерален застапник на инструментите од светски познатиот бренд Yamaha.

Покрај натпреварувачите, како гостин на вечерта, ќе настапи и групата „Серпентин фајр“ (Serpentine Fire), која е победник на Rock Fest во 2006 година.

Листата на натпреварувачите кои ќе свират на 17 декември изгледа вака:

1. Palindrom
2. Kolt
3. Smoke Shakers
4. TV Rage
5. Vizija

ГОСТИ

Serpentine Fire

Влезот за 30 годишниот јубилеј на манифестацијата Rock Fest, кој ќе се одржи на 17 и 18 декември 2014 година, ќе биде бесплатен за посетителите. Покровител на манифестацијата е Министерството за култура.