Скопски цветен фестивал во сабота во парк

Оваа сабота со почеток во 11 часот и официјално ќе се отвори јубилејниот, петти по ред Скопски цветен фестивал под покровителство на Град Скопје.

Годинава мотото на фестивалот е „Во боите на виножитото“, а како и секоја година ќе имаме можност да видиме прекрасни цветни аранжмани.

Изложувачи се познати цвеќарници и фирми за хортикултурно и пејзажно уредување, невладини организации чиј домен е екологијата и животната средина и центрите за детски развој.

Цветното дефиле ќе се одржи во сабота со почеток во 11 часот, а истото ќе започне од фонтаната „Лотосов цвет“ па низ Градскиот парк.

Во 13 часот ќе има настап на групата „Ребис“, по што ќе следи шоу со магионичари, зумба со лица со попреченост, јога, настап на музички групи и уште многу интересни настани.

Подеднакво интересна ќе биде и програмата во недела која ќе започне во 10 часот па сè до 17 кога и официјално ќе биде затворен годинешниот фестивал.