Емили Ратајковски откри дека е бремена и го очекува своето прво дете
•
27 октомври 2020
Познатиот топ модел Емили Ратајковски и нејзиниот сопруг, продуцентот Себастијан Беар Меклард го очекуваат нивното прво дете.
Веста вчера ја соопшти Ратајковски со видео на нејзиниот Инстаграм профил.
На видеото, кое го режираше нејзината пријателка, режисерката и актерка Лена Дунам, Емили во повеќе кадри е гола и го покажува трудничкиот стомак.
„Прв пат те сонував минатата ноќ. Се прашуваме кој/а ќе си", напиша познатата идна мајка.
Други детали околу бременоста до сега не се откриени.
Инаку, Ратајковски и Меклард стапија во брак во 2018 година, на церемонија во Њујорк која беше изненадувачка и неочекувана за сите.
