Од 26 до 29 март ќе се одржи јубилејното, 15-тото издание на Perwoll Fashion.hr, а за таа цел веќе е подготвена и кампањата која ги обединува сензуалноста, чистотата и елеганцијата.
-Во оваа кампања си поигравме со елементот вода, затоа што во нејзината есенција е содржана чистотата, елеганцијата и чиста естетика. Таа капка вода има движечка енергија и дава нова сила и визија која ја поврзуваме и со оваа модна приказна. Создавањето е секогаш своевидна катарза - изјави за хрватските медиуми, дикреторот и основач на Fashion.hr, Винко Филипиќ.
За заштитно лице оваа година, организаторите се одлучија за младата Клаудија Античевиќ, која ќе се најде и во новот француско издание на магазинот Ел, а соработувала и на бројни едиторијали и насловни страници меѓу кои и оние за Космополитен, Harper's Bazaar, Грација, Спур...
Таа е сега во улога на морска вила, а зад креативното водство на кампањата се наоѓа Фрањо Матковиќ, победник на натпреварот „Elle Fashion Foto Talent 2013“.
Во текот на четирите денови колку што ќе трае оваа модна манифестација, ќе се претстават 16 дизајнери меу кои и Александра Дојчиновиќ, eNVy room Мартина Феља, Марина Дизајн...
На минатото издание на Perwoll Fashion.hr меѓу пристутните во публика имавме можност да ја видиме и нашата актерка Јелена Јованова, а кој се ќе присуствува оваа година и каква мода ќе видиме, ќе дознаеме за 10-тина дена.