Модната недела во Њујорк ги отвори вратите за Кабириа, брендот за облека наменета за жени со облини

Добрата вест на претстојната Модна недела во Њујорк која ќе трае од 5 до 12 септември, е што за прв пат се одржа првата ревија наменета за девојки и жени со облини. Бидејќи веќе години наназад овие дизајнери и модели стојат на маргините на манифестацијата, оваа година бевме сведоци на еден револуционерен настан, благодарение пред се на побарувачката на облека на американскиот моден пазар која ја надмина големината 42.

И не само брендовите, туку и модните блогери, како и големите синџири на продавници и дизајнери ја подржуваат оваа иницијатива за проширување на опсегот на големини, со цел да се опфати онаа групација на луѓе кои немаат идеални пропорции.

Кабириа е бренд кој призведува облека за луѓе која ја надминуваат големината на конфексцискиот број 44. Се работи за женствени парчиња облека кои се надополнети со трендовски принтови и дезени, кои во суштина ги имаат кроевите на последната мода само во малку попроширени димензии и големини. Кабириа беше првиот дизајнер кој во склоп на Мерцедес Бенз модната недела, заедно со уште пет други дизајнери, во рамките на шоуто кое се одржи во Линколн центарот на 6 ти септември ја прикажа својата колекција за жени со облини. Се чини дека модата сепак знае да отстапи од своите стандарди, начела и принципи, а и редно време беше!