Нашиот модел Ивана Манас во моден едиторијал за Elle

По големиот успех и соработката со најпознатиот моден двоец D&G (Долче и Габана) на нивната кампања и ревијата, нашиот врвен модел Ивана Манас повторно се враќа на голема врата во модниот бизнис.

Минатиот месец престојуваше во Атина каде покрај другите ангажмани, го изработи модниот едиторијал за престижниот ELLE магазин, односно неговото грчко издание.

Зад целиот овој проект стои професионалниот тим на магазинот, а прекрасните локации каде беше реализиран едиторијалот, се во околината на Атина.

„Ивана веќе има големо и богато модно портфолио кое ги вклучува модниот едиторијал за магазинот Vanity Fair, кампањата за брендот Арабал, ревијата за фасцинантниот дизајнер Rick Owens и многу други. Во моментов се договара новата сезона и дали ќе се врати во Милано или пак овој пат ќе отиде во Париз, останува да видиме" велат од нејзината матична агенција Моделс ИН Менаџмент од Скопје .