Италијанскиот моден двоец Долче и Габана, вчера ја објави својата најнова модна кампања каде што се појавува и нашиот модел Ивана Манас.
Кампањата беше инспирирана од фолклорот и естетските визии на Сицилија, очекувано за нивното создавање. Прекрасната кампања за сезоната есен/зима 2021 ја изработи маестралниот фотограф Јурген Телер.
„Откако се појави на нивната ревија во февруари, тимот на „Долче и Габана“ воодушевен од андрогениот изглед на нашата Ивана беа решени да ја ангажираат за новата кампања. Ивана Манас последниве 3 месеци е константно во Милано каде работеше на голем број нови кампањи кои допрва ќе слушнеме“, вели нејзиниот матичен агент Алек Наумовски од Моделс Ин Менаџмент.
Како куриозитет да се спомене дека познатиот фотограф Телер, за оваа кампања беше лично одговорен за звукот и музиката. А нас ни останува да ги дочекаме новите ангажмани на нашиот супер модел Ивана Манас.
Во продолжение погледнете дел од кампањата:
View this post on Instagram
View this post on Instagram